Toles revoluciones son iguales. A lo último ye verdá que nun somos tan diferentes. Pero lo qu'estrema a los manifestantes de la revolución verde n'Irán de los que, n'Hondures, griten al presidente depuestu "Nun vuelvas, nun vuelvas" tien más que ver colos medios que col fin.
Los iraníes arriesguen la vida pa ser a respirar más llibertá. Y pa poder posala nes urnes. Los Hondureños qu'apoyen el golpe prefirieron l'atayu de nun esperar siete meses y ganar pela fuerza lo que nun fueron a ganar pelos votos.
Nun ye cuestión de paciencia: ye de fondu. La democracia, les instituciones, les regles del xuegu nun son un formalismu. Son la diferencia énte civilización y caprichu. Son, a lo último, les que nos permiten tener, de verdá, llibertá.
0 comments:
Publicar un comentario en la entrada