Baxen de preciu los pisos y sube la venta de coches. Igual que la de llibros, por cierto. Seique empieza reactivase l'actividá económica y como esto de la recesión y del consumu tien muncho de sicolóxico, cuento que lo peor de la crisis empieza pasar. Ya acabó la gran incertidume: el mundu nun va españar. Polo menos d'esta.
Eso sí; los efectos van ser pa llargo y van ser duros. D'equí a unos meses vamos tar falando de la crisis en pasáu y intentando escaecela. Pero los que sigan en paru nun van pensar lo mesmo y nun-yos vamos facer casu. D'equí a unos meses ya nun van interesar a naide. Eso va ser lo peor: ver cómo el tren echa andar y comprobar que'l to vagón sigue paráu porque nun ta engancháu a la llocomotora.
0 comments:
Publicar un comentario en la entrada