Les estratexes postelectorales son una cosa mui enguedeyada. Con too y con ello, agora que ya pasó la constitución de los nuestros ayuntamientos y que tamos a piques d’escoyer el gobiernu del país, hai una serie d’enseñances que bien podíemos sacar d’esti procesu. Lo primero ye que la teoría y la práctica siguen siendo dos coses complicaes de casar. Lo segundo que uno son les instrucciones xenerales y otro la so aplicación a cada casu concretu. Y, lo tercero, lo mal que queda amenazar en baldre porque’l tiempu acaba siempre por dexar cada cosa nel so sitiu.
Nesi sentíu, les estratexes de partida y de llegada de los distintos partíos estremáronse bien énte sí. El PSOE y IX anunciaron un pautu global que, a lo último, cumplieron. Hubo excepciones, ye verdá; pero hai que dicir que fueron eso: casos mui particulares qu’escaparon al control xeneral y que van implicar sanción. Lo normal. Por contra, nel casu de Foro y del PP, la cosa foi más rescamplada y merez un comentariu más fondu. Foro, de mano, optó por una estratexa, vamos dicir, abierta. Al otru día de les elecciones; y visto’l resultáu, evidentemente; anunció que diba dar llibertá total a los sos conceyales pa entamar les aliances que contaren oportunes. Cada ún podía movese como quixera. En frente d’esto, el PP anunció tolo contrario: que diba condicionalo too a un pautu global y qu’esi pautu global diba incluir los conceyos y la formación del gobiernu del país. Y aprobolo unánime y solemnemente nuna reunión de la so xunta directiva “rexonal” amenazando con sanciones al que se moviera na foto.
Pasao la negociación, les resultaos d’esa doble estratexa aportaron consecuencies bien estremaes pa les dos formaciones. Foro optara por una disciplina de partíu abierta; delegando la responsabilidá última a les xuntes locales; y eso, al final, traduciose nuna evidente unanimidá: en que, en tolos casos que’l PP necesitó del so apoyu pa la elección d’alcalde, túvolu; o, dicho d’otra manera: en que nengún ayuntamientu dexó de tar gobernáu pol PP por culpa de los votos de Foro.
Mientres que, nel casu inversu, les coses fueron d’otra manera: el PP optara por una estratexa vertical y unívoca que pretendía favorecer los gobiernos de centru-derecha y eso, a la hora la verdá, llevó a tolo contrario: a que cinco agrupaciones populares saltaren la disciplina de partíu; a que, por culpa de nun facelo la sexta, Foro perdiera l’alcaldía de Siero; y a que, a lo último, Madrid tuviera que dexar pa práu les amenaces de sanción “rexonales” a los responsables que primero votaron una cosa y depués ficieron otra. Vivir pa ver.
Nesi sentíu, les estratexes de partida y de llegada de los distintos partíos estremáronse bien énte sí. El PSOE y IX anunciaron un pautu global que, a lo último, cumplieron. Hubo excepciones, ye verdá; pero hai que dicir que fueron eso: casos mui particulares qu’escaparon al control xeneral y que van implicar sanción. Lo normal. Por contra, nel casu de Foro y del PP, la cosa foi más rescamplada y merez un comentariu más fondu. Foro, de mano, optó por una estratexa, vamos dicir, abierta. Al otru día de les elecciones; y visto’l resultáu, evidentemente; anunció que diba dar llibertá total a los sos conceyales pa entamar les aliances que contaren oportunes. Cada ún podía movese como quixera. En frente d’esto, el PP anunció tolo contrario: que diba condicionalo too a un pautu global y qu’esi pautu global diba incluir los conceyos y la formación del gobiernu del país. Y aprobolo unánime y solemnemente nuna reunión de la so xunta directiva “rexonal” amenazando con sanciones al que se moviera na foto.
Pasao la negociación, les resultaos d’esa doble estratexa aportaron consecuencies bien estremaes pa les dos formaciones. Foro optara por una disciplina de partíu abierta; delegando la responsabilidá última a les xuntes locales; y eso, al final, traduciose nuna evidente unanimidá: en que, en tolos casos que’l PP necesitó del so apoyu pa la elección d’alcalde, túvolu; o, dicho d’otra manera: en que nengún ayuntamientu dexó de tar gobernáu pol PP por culpa de los votos de Foro.
Mientres que, nel casu inversu, les coses fueron d’otra manera: el PP optara por una estratexa vertical y unívoca que pretendía favorecer los gobiernos de centru-derecha y eso, a la hora la verdá, llevó a tolo contrario: a que cinco agrupaciones populares saltaren la disciplina de partíu; a que, por culpa de nun facelo la sexta, Foro perdiera l’alcaldía de Siero; y a que, a lo último, Madrid tuviera que dexar pa práu les amenaces de sanción “rexonales” a los responsables que primero votaron una cosa y depués ficieron otra. Vivir pa ver.
0 comments:
Publicar un comentario en la entrada