Nes primeres selmanes, xusto depués de la toma de posesión d’Alvarez-Cascos como presidente del gobiernu asturianu, la principal acusación de la oposición yera la falta d’iniciativa del nuevu executivu. Agora ya non. Agora la llinia argumental de l’alministración saliente ya ta siendo otra. Una llinia que podría resumise nes últimes declaraciones del anterior presidente, Alvarez Areces, onde afirma que “destruir tolo que se fexo diba ser un suicidiu colectivu, nun lo podemos permitir”.
Bien. Cualquier gobiernu entrante tien que s’apoyar na herencia recibida. Eso ye inevitable, pa lo bueno y pa lo malo. Y, polo tanto, cualquier alministración, cuando llega, tien la obligación de conocer, reconocer y enseñar l’estáu de les cuentes qu’atopa. Pa lo bueno y pa lo malo. Nesti sentíu, de la mano del nuevu gobiernu tamos conociendo un par d’evidencies contables que, simplemente, nun podemos ignorar. La primera d’elles ye la existencia de doscientos once millones d’euros –que son bien de millones, oiga- en factures perfectamente reconocíes pola anterior alministración, pero sospechosamente consignaes afuera de los presupuestos. Esto, sumao al restu de les cuentes, trai consigo una consecuencia inevitable: pongámonos como nos pongamos, Asturies nun ta cumpliendo los compromisos de déficit impuestos pol gobiernu español y la unión europea. Inda más; en tolos años que llevamos ya de recesión, nunca ficimos demasiao por cuadrar les cuentes nuestres. Por contra, dedicámonos a gastar siempre más de lo qu’ingresábemos y en cada semestre fuimos aumentando, a costafecha, el nuestru déficit presupuestariu. Por eso, énte esta evidencia plasma tovía más la repuesta del nuestru expresidente pal que “la situación n’Asturies nun ye dramática, dexamos una herencia saneada y la rexón tien el menor endeudamientu d’España”. Hai optimismos qu’asusten.
Gastar más de lo que s’ingresa ye siempre discutible; pero gastalo mal, directamente, nun tien perdón. Y ehí entramos na segunda de les evidencies que vamos conociendo adulces: la de los gastos que nun se pueden comprobar porque, simplemente, nun existe la documentación que los evidencia. Otra vuelta el doble xuegu, la contabilidá relaxada. El casu más evidente: el del informe de la intervención xeneral del principáu sobre les cuentes de la Fundación Niemeyer. Ye un informe que bien que remarca esta carencia y que naide nun retruca. Tolo más llevántase enforma la voz y arguméntase lo mui importante que ye la institución pa la ciudá y lo muncho que se trabayó pa consiguila. Pero resulta que nun ye esa la cuestión. El verdaderu problema ye que les perres publiques –y les privaes tamién, oiga- tienen que se xustificar y documentar de manera suficiente y evidente. Ésa, ésa ye la cuestión.
Y poner orde n’estes coses ye gobernar: vaya si lo ye.
Bien. Cualquier gobiernu entrante tien que s’apoyar na herencia recibida. Eso ye inevitable, pa lo bueno y pa lo malo. Y, polo tanto, cualquier alministración, cuando llega, tien la obligación de conocer, reconocer y enseñar l’estáu de les cuentes qu’atopa. Pa lo bueno y pa lo malo. Nesti sentíu, de la mano del nuevu gobiernu tamos conociendo un par d’evidencies contables que, simplemente, nun podemos ignorar. La primera d’elles ye la existencia de doscientos once millones d’euros –que son bien de millones, oiga- en factures perfectamente reconocíes pola anterior alministración, pero sospechosamente consignaes afuera de los presupuestos. Esto, sumao al restu de les cuentes, trai consigo una consecuencia inevitable: pongámonos como nos pongamos, Asturies nun ta cumpliendo los compromisos de déficit impuestos pol gobiernu español y la unión europea. Inda más; en tolos años que llevamos ya de recesión, nunca ficimos demasiao por cuadrar les cuentes nuestres. Por contra, dedicámonos a gastar siempre más de lo qu’ingresábemos y en cada semestre fuimos aumentando, a costafecha, el nuestru déficit presupuestariu. Por eso, énte esta evidencia plasma tovía más la repuesta del nuestru expresidente pal que “la situación n’Asturies nun ye dramática, dexamos una herencia saneada y la rexón tien el menor endeudamientu d’España”. Hai optimismos qu’asusten.
Gastar más de lo que s’ingresa ye siempre discutible; pero gastalo mal, directamente, nun tien perdón. Y ehí entramos na segunda de les evidencies que vamos conociendo adulces: la de los gastos que nun se pueden comprobar porque, simplemente, nun existe la documentación que los evidencia. Otra vuelta el doble xuegu, la contabilidá relaxada. El casu más evidente: el del informe de la intervención xeneral del principáu sobre les cuentes de la Fundación Niemeyer. Ye un informe que bien que remarca esta carencia y que naide nun retruca. Tolo más llevántase enforma la voz y arguméntase lo mui importante que ye la institución pa la ciudá y lo muncho que se trabayó pa consiguila. Pero resulta que nun ye esa la cuestión. El verdaderu problema ye que les perres publiques –y les privaes tamién, oiga- tienen que se xustificar y documentar de manera suficiente y evidente. Ésa, ésa ye la cuestión.
Y poner orde n’estes coses ye gobernar: vaya si lo ye.
0 comments:
Publicar un comentario en la entrada